Գլխավոր » Հոդվածներ » Նորություններ |
Այս մեքենան, թերևս 2012 թ.-ի Նյու Յորքյան ավտոսրահի ամենասպասված մեքենաներից մեկն է: Ամերիկյան ՙDodge՚ ընկերությունն այս տարի ներկայացրեց իր ՙViper՚ մոդելի նոր սերուդը, որը մեծ շուկա դուրս կգա 2013թ-ին: Մոդելի նախագծմամբ, ավանդույթի համաձայն, զբաղվել են ՙDodge՚ ընկերության ՙSRT՚ ստորաբաժանւման մասնագետները: Հիշեցնենք, որ ՙViper՚-ի նախորդ սերնդի արտադրությունը դադարեցվել էր 2010թ.-ին, որից հետո նոր մոդելի նախագծման հարցը բաց էր մնացել: Այդ ժամանակ ՙSRT՚ ստորաբաժանման մի քանի էնտուզիաստներ, որոշեցին որ ՙլեգենդը՚ չպետք է մոռացվի: Մեքենան արտաքինից շատ չի տարբերվում իրեն նախորդողից: ՙSupercar՚-ը պահպանել է բոլորիս ծանոթ ուրվագծերը՝ երկար կապոտը, հետ քաշված խցիկը և կողային արտանետման համակարգը:
Իսկ ահա մեքենայի տարբերվող կողմերից է չափերով փոքրացված ռադիատորի վանդակը, նոր բի-քսենոնային օպտիկան՝ համլրված լուսադիոդային լապտերներով, ինչպես նաև հետևի լապտերներն ու յուրօրինակ դիզայնով նոր անվահեծերը: Նոր ՙDodge SRT Viper՚-ն իր նախորդ մոդելից թեթև է 45 կգ-ով, քանի որ մեքենայի կապոտը, տանիքը և բեռնախցիկի կափարիչը պատրաստված է ածխածնի մանրաթելերից, իսկ դռները թեթև ալյումինից: ՙViper՚-ի կապոտի տակ
տեղավորվել է ամբողջությամբ ալյումինից պատրաստված 8,4 լիտր աշխատանքային
ծավալով V-աձև 10 մխոցանի մթնոլորտային շարժիչը,
որն ի զորու է ցանկացած պահի ՙարձակել՚ 640
ձիերից յուրաքանչյուրին: Իհարկե այսպիսի շարժիչը չի կարող ունենալ փոքր պտտման
մոմենտ: Այն կազմում է 813 Ն/մ, որն ամբողջությամբ փոխանցվում է հետին սռնուն՝
վեցաստիճան ՙTremec TR6060՚ մեխանիկական փոխանցումատուփի օգնությամբ:
| |
Դիտել են՝: 332
| Tags: |
Մեկնաբանությունների քանակը՝: 0 | |