10:51 PM Ճապոնական ավտոարտադրողները գնում են ռեկորդի | |
Ճապոնական ավտոարտադրողները մինչև տարվա վերջ ռեկորդային արտադրողականություն են կանխատեսում, ի հաշիվ զարգացող երկրներում իրենց արտադրանքի նկատմամբ հաստատուն աճող պահանջարկի: Ինչպես հայտնում են ճապոնական ԶԼՄ-ները, Ճապոնիայի խոշոր ավտոարտադրողները պլանավորում են արտադրել մոտ 26 մլն ավտոմեքենա, ինչը 16%-ով շատ է նախորդ տարվա ցուցանիշից: Արտադրության այդքան մեծ ծավալը հիմնականում կապահովեն 8 առաջատար ավտոարտադրողներ. Toyota Motor Corporation, Honda Motor Co. Ltd., Mitsubishi Motors, Mazda Motor Corporation, Suzuki Motor Corporation, Nissan Motor Co. Ltd, Fuji Heavy Industries Ltd. (ՙMitsubishi՚ ապրանքանշանի սեփականատերը) և Daihatsu Motor Co. Ltd. (ՙToyota՚-ի դուստր ընկերությունը): Այսպիսով, ՙToyota՚-ն պատրաստվում է արտադրել 8.7 մլն, ՙNissan՚-ը 5.38 մլն, ՙHonda՚-ն 4.3 մլն մեքենա: Տեղական ԶԼՄ-ները նշում են նաև, որ աշխարհում վաճառվող ճապոնական ավտոմեքենաների մասնաբաժինը, որը անցած տարի կազմել էր աշխարհում վաճառված ավտոմեքենաների 26.9%-ը այս տարի էլ ավելի կաճի և կմոտենա 28.6%-ին: | |
|
Մեկնաբանությունների քանակը՝: 0 | |