Գերմանական ավտոարտադրող ՙVolkswagen՚ ընկերությունը կգնի ՙPorsche՚ ընկերության բոլոր ակցիաները մինչև սույն թվականի օգոստոսի 1-ը:

Գերմանական ավտոգիգանտի թվով 10-րդ բրենդի ձեռքբերումը կարժենա 8.3 միլիարդ եվրո: Այդ գումար մի մասը (3.9 միլիարդ) 2009 թվականին վճարվել էր ընկերության ակցիաների 49.9%-ի ձեռք բերման համար: Ակցիաների մնացած մասը գերմանական կոնցեռնը կգնի այս ամիս:

Հունիսին տեղի ունեցած բաժնետերերի ժողովի ժամանակ ՙVolkswagen՚ ընկերության գործադիր տնօրեն Մարտին Ուինթերքորնը հայտարարել է ընկերությունների միաձուլման ժամկետի ավարտի մասին: Այն ամբողջությամբ կավարտվի մինչ 2014 թվականը:

Հետաքրքիրն այն է, որ ՙPorsche՚-ն էր ուզում գնել ՙVolkswagen՚-ին և նախորդ տասնամյակում նույնիսկ տիրապետում էր ՙVolkswagen՚-ի ակցիաների կեսին: