«Global RallyCross Championship» մրցույթն այս տարի մեկնարկեց արևոտ Բարբադոսում: Մրցարշավի մեկնարկն ազդարարելու նպատակով հրավիրվել էր «Ֆորմուլա 1»-ի աշխարհահրչակ ավտոարշավորդ Լյուիս Հեմիլթոնը: «Mersedec AMG»-ի վարորդն այնտեղ էր հրավիրվել մասնակցելու բրիտանական «Top Gear Live»-ի կողմից կազմակերպված մրցավազքին, որտեղ նա պետք է մրցեր ռալլի ժամանակակից աստղերից մեկի՝ Քեն Բլոքի հետ:

  Համիլթոնը մրցարշավին մասնակցում էր «Mercedes AMG F1», իսկ Բլոքը` ռալլիի համար  հարմարեցված «Ford Fiesta ST» մեքենայով: Չնայած մեքենաների թե՛ կառուցվածքային և թե՛ նպատակային տարբերություններին, մրցավազքը կայացավ բավականին դրամատիկ մթնոլորտում:

 Հավելենք, որ «Global RallyCross Championship»-ի հաջորդ փուլը տեղի կունենա Հունիսի 7-ին ԱՄՆ-ի Տեխաս նահանգում գտնվող Օսթին քաղաքում: