4:05 AM «Land Rover»-ը տեխնոլոգիական հեղաշրջում է կատարում | |
Թափանցիկ ավտոմեքենաներն այլևս ֆանտաստիկայի ժանրից չեն: «Land Rover» ընկերության նորարարությունը, որն ունի «Transparent Bonnet» (թափանցիկ կապոտ) անվանում, մեքենայի դիմային մասը դարձնում է թափանցիկ: Ահա թե ինչպես է աշխատում այդ տեխնոլոգիան. Մեքենայի ռադիատորի ճաղավանդակի վրա տեղակայված տեսախցիկները արձանագրում են ճանապարհային տվյալները, որից հետո համակարգիչը մշակում է տեսախցիկից ստացված տվյալներն ու պրոեկտում այն մեքենայի դիմային ապակուն զուգահեռ տեղադրված էկրանին: Արդյունքում վարորդը դիմային ապակուց տեսնում է ոչ թե մեքենայի կապոտը այլ ճանապարհի այն հատվածը, որը տվյալ պահին գտնվում է կապոտի տակ: «Մենք օգնում ենք վարորդին հեշտությամբ հաղթահարել ճանապարհի բարդությունները, որոնք կապված են սահմանափակ տեսադաշտի հետ: Այս համակարգը թույլ է տալիս վարորդին գնահատել ճանապարհի մինչ այժմ անհասանելի մասերը»,- նշում են ընկերությունում: Տեխնոլոգիական այս կոնցեպտը հանրությանը կներկայացվի հաջորդ շաբաթ Նյու Յորքում կայանալիք հերթական Միջազգային ավտոսրահում: Դիտեք այս տեխնոլոգիան գործի դրված.
Տեխնոլոգիական այս կոնցեպտը հանրությանը կներկայացվի հաջորդ շաբաթ Նյու Յորքում կայանալիք հերթական Միջազգային ավտոսրահում:
| |
|
Մեկնաբանությունների քանակը՝: 0 | |