Ճանապարհային լուսավորման վրա ծախսվող էներգիայի դիմաց վճարների մեծ թվերը հուշել են հոլանդական ինժեներներին՝ մթության մեջ փայլող ավտոմայրուղիներ ստեղծել: Ինչպես հաղորդում է РБК.ru-ն՝ բոլորովին վերջերս, մի քանի տարվա զարգացմների արդյունքում, մայրուղու 500 մետրանոց տարածք է հանձնվել շահագործման:

  Լուսավորող ազդեցությունն ստացվում է հատուկ ներկի շնորհիվ, որն օգտագործվում է գծանշումների ժամանակ: Ցերեկն այն իր մեջ է ներծծում արևի լույսը, իսկ երեկոյան վերածվում է ֆոսֆորի՝ լուսավորելով վարորդների ճանապարհը:

Ապագայում նախատեսվում է ուղղակիորեն ասֆալտին արտացոլել ջերմաստիճանային տվյալները: Օրինակ՝ եթե դրսում շատ ցուրտ է, ճանապարհը կզգուշացնի վարորդներին, որ ճանապարհները սառել են, արժի դանդաղեցնել ընթացքը և ուշադիր լինել:

Աղբյուր՝ Tert.am