2:22 AM «BMW i8»-ը Լազերային լուսարձակներով | |
Գերմանական ավտոհսկաներից «BMW»-ն սկսել է թողարկել երկար սպասված «BMW i8» մոդելը: Մեքենայի առաջին օրինակները շնորհանդեսի ժամանակ տրամադրվել են առաջին 8 պատվիրատուներին: «i8»-ն իր կապոտի տակ ունի էլեկտրաշարժիչ, որն առանց ներքին այրման շարժիչը գործի գցելու ի զորու է մեքենան տեղափոխել մինչև 25կմ, իսկ էլեկտրական շարժիչի աշխատանքն ավարտվելուն պես գործի է գցվում 3 գլանանի բենզինային շարժիչը: «i8»-ը, բացի յուրահատուկ դիզայնն ու հիբրիդային շարժիչը առանձնահատուկ է նաև նրանով, որ առաջին ավտոմեքենան է որը թողարկվում է լազերային դիմային լուսարձակներով: Հարկ է նշել, որ նման մտահղացմամբ հանդես է եկել նաև գերմանական մեկ այլ հսկա՝ «Audi»-ն, և ի տարբերություն «BMW»-ի, որն այդ լուսարձակներն առաջարկում է հավելավճարով՝ «Audi»-ն ընդգրկել է դրանց իր 2015 մոդելային տարվա ավտոմեքենաների բազային տարբերակներում: Այս լուսարձակները ունեն յուրահատուկ տեսք և ավելի շատ հիշեցնում են ժամանակակից ցերեկային լուսարձակներ, սակայն դրանք գերազանցում են ներկայիս LED տեխնոլոգիայով լամպերին գրեթե բոլոր ցուցանիշներով: Դրանք մոտ 30% ավելի քիչ էներգատար են՝ համեմատած LED լամպերի և իրենց չափերով՝ մոտ 10 անգամ ավելի փոքր:
Հավելենք նաև, որ լուսային համակարգը «խելացի է»: Լուսարձակներն աշխատում են «BMW»-ի դիմային տեսախցիկի հետ համակարգված: Գիշերային ժամերին հանդիպակաց ուղեգոտուց եկող մեքենան նկատելուն պես համակարգը թուլացնում է այդ ուղղությամբ լուսավորությունը՝ չխանգարելով հանդիպակաց երթևեկության մասնակիցներին: Այս համակարգն ուղղակի անհրաժեշտ է, քանի որ լուսարձակների լուսային հեռահարությունը հասնում է 600մ: «i8» մոդելը վաճառքի է հանվել 136,650 ԱՄՆ դոլարով:
| |
|
Մեկնաբանությունների քանակը՝: 0 | |